اسلام آباد(صباح نیوز) وزیراعظم پاکستان کی سابق خصوصی مشیربرائے انسانی حقوق مشعال حسین ملک نے کہا کہ 5 اگست کو دنیا بھر میں مقیم کشمیری اور پاکستانی باہر نکل کر پیغام دیں کہ مقبوضہ کشمیر میں قید کشمیریوں کے ساتھ ہیں۔
مشعال حسین ملک نے اپنے ویڈیو پیغام میں کہا کہ پانچ اگست 2019 کو ہندوستان نے کشمیریوں کے حقوق پر ڈاکہ ڈالا، کشمیریوں کا قتل عام کیا جارہا ہے، عظیم رہنماں کو شہید اور پاپند سلاسل کیا گیا ہے، یاسین ملک کو پھانسی پر چڑھانے کی پوری کوشش کی جارہی ہے۔انہوں نے مزید کہا کہ تحریک آزادی میں کشمیریوں کے شانہ بشانہ کھڑے ہیں، ہمارا دل اور دھڑکنیں کشمیریوں کے ساتھ ہیں۔
