ژوب (صباح نیوز)ژوب میں فوجی آپریشن کے دوران شہیدہونے والے میجر بابر نیازی کی نمازجنازہ اداکردی گئی۔
پاک فوج کے شعبہ تعلقات عامہ (آئی ایس پی آر) کے مطابق گزشتہ روزبلوچستان کے ضلع ژ وب میں دہشت گردوں کیخلاف آپریشن کے دوران شہیدہونے والے میجربابرنیازی کی نمازجنازہ ژوب کینٹ میں ادا کر دی گئی، نماز جنازہ میں اعلیٰ فوجی اور سول افسران اورعوام کے نمائندوں نے شرکت کی۔
شہید کو مکمل فوجی اعزاز کے ساتھ آبائی شہر میں سپرد خاک کیا جائے گا ۔آئی ایس پی آرکے مطابق میجربابرنیازی کاتعلق ضلع میانوالی سے ہے ،شہیدکی عمر36 برس تھی۔میجر بابر نیازی شہید نے سوگواران میں بیوہ ،ایک 3 سالہ بیٹا اور والدین چھوڑے ہیں۔
آئی ایس پی آرکے مطابق پاکستان کی مسلح افواج قوم کے شانہ بشانہ کھڑی ہے اور ملک کے امن و استحکام کو سبوتاژ کرنے کی دہشت گردی کی کوششوں کو ناکام بنانے کے لیے پرعزم ہے ہمارے بہادر بیٹوں کی یہ قربانیاں دہشت گردی کی لعنت کے خلاف لڑنے کے ہمارے عزم کو تقویت دیتی ہیں ،مادر وطن سے دہشت گردی کی لعنت کے خاتمے تک دہشت گردی کے خلاف جنگ جاری رہے گی۔
