راولپنڈی(صباح نیوز) جنوبی وزیرستان میں سکیورٹی اداروں نے دہشت گردوں کے خفیہ ٹھکانوں پر چھاپہ مار کر بڑی تعداد میں اسلحہ وگولہ بارود برآمد کر لیا۔
پاک فوج کے شعبہ تعلقات عامہ (آئی ایس پی آر)کے مطابق جنوبی وزیرستان میں دہشت گردوں کے خلاف آپریشن کیا گیا۔ دہشت گردوں کے خفیہ ٹھکانوں پر چھاپوں کے دوران بڑی تعداد میں ہتھیار اور گولہ ،بارود برآمد ہوا۔ دہشت گردوں کے ٹھکانوں سے دیسی ساختہ بارودی سرنگیں بنانے والا سامان بھی برآمد ہوا جبکہ سب مشین گنز، آر پی جی سیون، دستی بم اور مختلف بور کے ہتھیار بھی برآمد ہوئے۔
