کراچی ( صباح نیوز) کونسل آف پاکستان نیوزپیپر ایڈیٹرز (سی پی این ای)نے سینئر رکن روزنامہ اذکار راولپنڈی / اسلام آباد کے چیف ایڈیٹر محمد الماس عباسی کے انتقال پر گہرے دکھ اور دلی تعزیت کا اظہار کیا ہے۔ ایک مشترکہ بیان میں سی پی این ای کے صدر ارشاد احمد عارف، سیکریٹری جنرل اعجازالحق اور نائب صدر اسلام آباد سردار خان نیازی و دیگر عہدیداروں اور تمام اراکین نے سی پی این ای کے سینئر رکن روزنامہ اذکار راولپنڈی / اسلام آباد کے چیف ایڈیٹر محمد الماس عباسی کے انتقال پر تعزیت کرتے ہوئے گہرے رنج و غم اور افسوس کا اظہار کیا ہے اور مرحوم کی مغفرت کے لئے دعا کی ہے کہ اللہ تعالی انہیں جوار رحمت میں جگہ عطا فرمائے اور سوگواران کو اس سانحہ پر صبر جمیل عطا فرمائے۔ آمین۔
