کراچی(صباح نیوز)جماعت اسلامی سندھ کے تحت انتخابی کنونشن منگل28نومبر کو(کل) سکھر میں منعقد ہوگا، صوبائی اعلامیہ کے مطابق کنونشن صبح دس بجے مہران کلچرل سینٹر میں مرکزی امیر سراج الحق کی زیر صدارت منعقد ہوگا، جس میں بالائی سندھ واضلاع سے نامزد مرد وخواتین امیدواران اور صوبائی وضلعی رہنماء شرکت کریں گے۔ انتخابی کنونشن سے مرکزی ناظم انتخاب لیاقت بلوچ،ڈاکٹر فرید پراچہ،اسداللہ بھٹو،ڈاکٹر معراج الہدیٰ صدیقی،صوبائی امیر محمد حسین محنتی ،نائب امیر ممتاز حسین سہتو،جنرل سیکریٹری کاشف سعید شیخ سمیت دیگر ذمہ داران بھی خطاب کریں گے۔
