راولپنڈی(صباح نیوز)عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں،ایک تعیناتی سب پہ بھاری ہے،نواز شریف نے جتنے لوگوں کوتعینات کیا ان سب سے پھڈا کیا،نوازشریف،آصف زرداری اور فضل الرحمن کومایوسی ہوگی،فیصلہ میرٹ پر ہوگا اور الیکشن ہوں گے،مارنے والے سے بچانے والا زیادہ طاقتور ہے۔
ان خیالات کااظہار شیخ رشید احمد نےٹوئٹر پر جاری اپنے بیان میں کیا۔
شیخ رشید احمد کا کہنا تھا کہ ارشد شریف کی ماں کو پوسٹ مارٹم رپورٹ کے لئے سپریم کورٹ جانا پڑا،اس رپورٹ سے قوم کے دل دہل گئے ہیں،لانگ مارچ کاتاریخی فیصلہ کن پڑائو راولپنڈی میں ہوگا،
سعودی عرب کے مہمان اگر پاکستان آئے تو ہمیں بھی خوشی ہوگی،اسلام آباد13ربڑسٹمپ پارٹیوں کا نہیں ہمارا بھی ہے،دو ہفتے روزانہ ٹویٹ کروں گا۔
