کرائسسٹ چرچ(صباح نیوز) نیوزی لینڈمیں کوئلے کی کان سے 11سال بعد انسانی باقیات تلاش کر لی گئیں۔
غیرملکی خبررساں ادارے کے مطابق پولیس نے کوئلے کی کان میں لگائے گئے خصوصی کیمروں کی مدد سے باقیات تلاش کیں ۔ دولاشوں کی باقیات کی شناخت ہوگئی ہے جبکہ ایک لاش کی باقیات کی شناخت نہ ہوسکی۔
نیوزی لینڈ پولیس حکام کا کہنا ہے کہ لاشیں کان کے اس حصے میں جہاں سے انہیں نکالنا ممکن نہیں۔نیوزی لینڈ کے جنوبی جزیرے میں واقع کوئلے کی کان میں نومبر2010 کودھماکے سے بیٹھ گئی تھی جس کے نتیجے میں 29کان کن ہلاک ہوگئے تھے۔
