اسلام آباد(صباح نیوز)پاکستان مسلم لیگ (ن)کے صدر اور قائد حزب اختلاف شہباز شریف نے کہا ہے کہ قوم مشکلات میں کامیابی کا عزم رکھے۔
سماجی رابطے کی ویب سائٹ ٹوئٹر پر اپنے جاری کردہ بیان میں انہوں نے کہا کہ کوئی ایسی رکاوٹ نہیں جسے قوم اپنی صفوں میں اتحاد پیدا کر کے دور نہ کر سکے۔
انہوں نے کہا کہ قائداعظم کا نصب العین کام، کام اور کام قوم کے روشن مستقبل کے لیے مینارہ نور ہے ، قوم اپنی صفوں میں اتحاد پیدا کرے اور مشکلات میں کامیابی کا عزم رکھے۔
