نئی دہلی:بھارتی ریاست چھتیس گڑھ میں بھارتی فورسز اہلکار نے فائرنگ کر کے اپنے 4 ساتھیوں کو ہلاک کر دیا ہے۔
چھتیس گڑھ کے ضلع سکما میں پیراملٹری سینٹرل ریزروپولیس فورس ( سی آر پی ایف ) کی باہمی فائرنگ سے فورس کے کم از کم 4 اہلکار ہلاک اور 3 زخمی ہوئے ہیں۔ سی آر پی ایف کے اہلکار ریتیش رنجن نے ضلع کے علاقے لنگن پلی میں فورس کی 50ویں بٹالین کے کیمپ میں صبح پونے چار بجے کے قریب ساتھی اہلکاروں پر فائرنگ کی۔
سرکاری بیان کے مطابق سی آرپی ایف اہلکار نے اپنی سروس رائفل-47 AK سے اپنے ساتھیوں پر فائرنگ کی۔علاقے کے انسپکٹر جنرل آف پولیس سندرراج پی نے کہا کہ اس واقعے میں سات اہلکار شدید زخمی ہوئے اور انہیں فوری طور پر علاج کے لیے بھدراچلم کے اسپتال منتقل کیا گیا ۔
انہوں نے کہاکہ زخمیوں میں سے چاراہلکار زخموں کی تاب نہ لاتے ہوئے دم توڑ گئے۔کے پی آئی کے مطابق ہلاک ہونے وا لے کی شناخت کانسٹیبل راجمنی کمار یادو، راجب مونڈل، دھنجی اور دھرمیندر کمار کے طور پر ہوئی ہے۔ جس علاقے میں یہ واقعہ پیش آیا وہ ریاستی دارالحکومت رائے پور سے تقریبا 400 کلومیٹر کے فاصلے پر واقع ہے۔
