سیؤل (صباح نیوز)جنوبی کوریا کی آئینی عدالت نے صدر یون سک کو عہدے سے ہٹا دیا۔غیر ملکی خبر رساں ادارے کے مطابق جنوبی کوریا کی آئینی عدالت نے صدر یون سک یول کے مواخذے کی توثیق کر دی ہے۔جنوبی کوریا کی آئینی عدالت کے 8 ججوں نے متفقہ طور پر فیصلہ سنایا۔
جنوبی کوریا کی آئینی عدالت کے مطابق مارشل لا کے اعلان اور فوج کو پارلیمنٹ بھیجنے سے آئین کی خلاف ورزی ہوئی۔عدالت کا کہنا ہے کہ صدر کی غیر آئینی، غیر قانونی کارروائیاں جمہوریت کے لیے خطرہ تھیں، انہوں نے فوج کو سیاسی مقاصد کے لئے استعمال کیا۔میڈیا رپورٹس کے مطابق جنوبی کوریا میں 60 دن کے اندر نئے صدارتی انتخابات کرائے جائیں گے۔
