کیف (صباح نیوز)یوکرین نے روس کے 5 فوجی طیارے اور ایک ہیلی کاپٹر مار گرانے کا دعویٰ کیا ہے۔
روسی صدر ولادیمیر پیوٹن کی جانب سے یوکرین پر حملے کے اعلان کے بعد کیف، خرکیف، ڈنباس اور بلیک سی پورٹ سمیت یوکرین کے متعدد علاقوں میں دھماکوں کی آوازیں سنی گئیں۔
امریکا، برطانیہ، جرمنی اور اقوام متحدہ سمیت متعدد یورپی ممالک کی جانب سے روسی حملے کی مذمت کی گئی جبکہ یوکرین کے صدر نے ملک میں مارشل لا نافذ کرنے کا اعلان کر دیا ہے۔
روس کی وزارت دفاع کا کہنا ہے کہ یوکرین کی مسلح افواج کو نشانہ بنایا جا رہا ہے تاہم شہروں پر آرٹلری اور میزائل حملے نہیں کئے جا رہے۔
اب یوکرین کی فوج کا بیان بھی سامنے آیا ہے جس میں دعویٰ کیا گیا ہے کہ مشرقی یوکرین کے علاقے لوہانسک میں 5 روسی طیارے مار گرائے ہیں۔
یوکرینی فوج کا مزید کہنا ہے کہ لوہانسک میں ایک روسی ہیلی کاپٹر کو بھی مار گرایا ۔
