واشنگٹن(صباح نیوز)امریکی اخبار نے کہا ہے کہ مودی سرکار کے مسلمانوں کیخلاف معاندانہ رویہ سے بھارت کی ساکھ خراب ہوئی، بھارت جنوبی ایشیا میں اپنا اثر کھو رہا ہے۔
امریکی اخبار نیویارک ٹائمز کی رپورٹ میں کہا گیاکہ بھارت میں مسلمانوں سے امتیازی سلوک سے جنوبی ایشیا میں رواداری کو نقصان پہنچا، ہمسایہ ممالک چین کو متبادل کے طور پر دیکھتے ہیں
رپورٹ میں مزید کہا گیا کہ چین نے نہ صرف پاکستان کیساتھ تعلقات کو مزید مضبوط کیا ہے جبکہ نیپال، سری لنکا اور بنگلہ دیش سے بھی بہتر تعلقات قائم کر لیے ہیں۔بھارت جنوبی ایشیا میں اپنا اثر کھورہا ہے، بی جے پی رہنماؤں کے بیانات سے بنگلہ دیش اور بھارت میں تنائو پیدا ہوا سکتا ہے۔
