راولپنڈی (صباح نیوز)اینٹی نارکوٹکس فورس( اے این ایف) سات مختلف کارروائیوں میں 149.884 کلو گرام منشیات برآمد کر لی اور4ملزمان گرفتار کر لئے ۔ترجمان اے این ایف کے مطابق اے این ایف کا منشیات سمگلنگ کے خلاف ملک کے مختلف شہروں میں کریک ڈائون جاری ہے۔سات کاروائیوں کے دوران4ملزمان گرفتار کئے گئے،کارروائیوں میں 4کروڑ سے زائد مالیت کی 149.884 کلو گرام منشیات برآمد ہوئی۔
پشاور انٹرنیشنل ایئرپورٹ پر جدہ جانے والے مسافر کے پیٹ سے 30 ہیروئن بھرے کیپسولز برآمد، اسلام آباد میں پارک کے قریب پارسل سے 31 نشہ آور گولیاں برآمد، ملزم گرفتار کر لیا گیا ، کراچی میں کوریئر آفس کے ذریعے آسٹریلیا بھیجے جانے والے پارسل سے 150 گرام آئس برآمد ہوئی۔ بلوچستان میں ضلع چاغی میں سمگلنگ کے لئے چھپائی گئی 90 کلو افیون اور 10 کلو ہیروئن برآمد،
بلوچستان میں کوسٹل لائن پسنی کے غیر آباد علاقے سے 45 کلو چرس برآمد، حیدر آباد میں ملزم سے 3 کلو چرس برآمدہوئی۔اقبال شہید ٹول پلازہ اٹک کے قریب موٹرسائیکل سوار کے قبضے سے 1 کلو ہیروئن اور 500 گرام آئس برآمدہوئی، گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
