کراچی ،کوئٹہ(صباح نیوز)اسلام آباد میں پی ٹی آئی کے احتجاج کی وجہ سے کراچی اور کوئٹہ سے اسلام آباد آنیوالی کی 5 پروازیں منسوخ کردی گئیں ۔فلائٹ شیڈول کے مطابق کراچی اور کوئٹہ سے اسلام آباد کی پروازیں پی کے 326 اور 310 کو منسوخ کر دیا گیا۔
کراچی اور اسلام آباد کی پی آئی اے کی پرواز پی کے 369 کو بھی منسوخ کر دیا گیا۔فلائٹ شیڈول کے مطابق دبئی، اسلام آباد اور عمان کی خصوصی پروازیں آر جے 71 اور آر جے 72 کو بھی منسوخ کر دیا گیا۔اس کے علاوہ آپریشنل وجوہات کی بنا پر مختلف ایئر لائنز کی 28 پروازیں تاخیر کا شکار ہوئیں ۔
