اسلام آباد(صبا ح نیوز)چیئرمین سینیٹ سید یوسف رضا گیلانی وفد کے ہمراہ سعودی عرب کے پانچ روزہ دورے پر پہنچ گئے ۔تفصیلات کے مطابق سعودی عرب پہنچنے پر سعودی شوری کونسل کے سپیکر ڈاکٹر عبداللہ بن محمد بن ابراھیم الشیخ نے وفد کا استقبال کیا۔اس موقع پر چیئرمین سینیٹ سید یوسف رضا گیلانی نے کہا کہ پاکستان اور سعودی عرب کے تاریخی برادرانہ تعلقات ہیں اور پاکستان کوہمیشہ سعودی عرب کی دوستی پر فخر ہے۔ انھوں نے کہا کہ دونوں ممالک کی دوستی وقت کے ساتھ مزید پائیدار ہو گی۔ اس موقع پر سپیکر شوری کونسل نے وزیر اعظم پرنس محمد بن سلمان کا پیغام بھی دیا اور کہا کہ میں پاکستان کا سفیر ہوں۔
