غزہ(صباح نیوز)غزہ میں اسرائیلی فوج کے حملوں میں 24 گھنٹے میں مزید 38فلسطینی شہید ہوگئے۔اسرائیلی فضائیہ نے ،شمالی غزہ اور خان یونس میں متعدد مقامات پر بم برسائے گئے،کمال عدوان اسپتال کو ایک بار پھر نشانہ بنایا گیا،صیہونی فورسز نے طبی عملے کے درجنوں ارکان کو گرفتار کرلیا۔ ،
غزہ کے علاقے شجاعیہ سے انخلا کی وارننگ کے بعد ہزاروں فلسطینی نقل مکانی کر گئے۔سردی میں شدت اور بارش نے پناہ گزینوں کی مشکلات بڑھا دیں،مغربی کنارے میں بھی قابض فوج کے چھاپیجاری ہیں،فائرنگ سے دو نوجوان شہید ہوگئے۔ فلسطینی وزارت صحت کے مطابق گزشتہ سال 7 اکتوبر سے جاری اسرائیلی حملوں میں شہید فلسطینیوں کی تعداد44235 ہو گئی ہے جبکہ104534 افراد زخمی ہوگئے ہیں
