مظفرآباد(صباح نیوز) بلگراں منجہوتر تحصیل پٹہکہ نصیرآبادمیں ٹیوٹا ہائی ایس گاڑی گہری کھائی میں جاگری، 6افراد جاںبحق 4 زخمی، ریسکیو 1122 اور پولیس موقع پر پہنچ گئی۔ زخمیوں کو سی ایم ایچ مظفرآباد منتقل کردیاگیاجن میں سے ایک کی حالت تشویشناک ہے۔تفصیلات کے مطابق مظفرآباد کے نواحی علاقہ بلگراں منجہوتر تحصیل پٹہکہ نصیرآباد میں جمعہ کی شام ہائی ایس ٹیوٹا گاڑی بے قابو ہو کر گہری کھائی میں جاگری جس کے نتیجے میں 6افراد موقع پر ہی دم توڑ گئے جبکہ 4زخمی ہوئے جن میں سے ایک زخمی کی حالت انتہائی تشویشناک بتائی جارہی ہے۔ اطلاع ملنے پر ریسکیو 1122 تحصیل پٹہکہ یونٹ نے موقع پر پہنچ کر زخمیوںکو فوری فرسٹ ایڈ دیتے ہوئے تحصیل ہیڈکوارٹرز ہسپتال پٹہکہ منتقل کیاجنہیں بعد ازاں مظفرآباد سی ایم ایچ منتقل کردیاگیا۔زخمیوں کی حالت تشویشناک بتائی جارہی ہے۔
