بنوں(صباح نیوز) بنوں میں مسلح حملہ آوروں نے احمد زئی پولیس سٹیشن اور مزنگہ پولیس چوکی پر حملہ کردیا۔پولیس کے مطابق پہلے حملے میں ایک پولیس اہلکار زخمی اور دوسرے حملے میں پولیس چوکی پر لگے تھرمل کیمرے کو نقصان پہنچا
۔پولیس نے کہا کہ احمد زئی پولیس سٹیشن پرنامعلوم مسلح افراد نے حملہ کیا لیکن پولیس کی بروقت جوابی کارروائی سے حملہ پسپا کردیا گیا تاہم ملزمان کی فائرنگ سے ایک اہلکار زخمی ہوگیاجسے ہسپتا ل منتقل کردیا گیا۔پولیس نے کہا کہ ملزمان کی گرفتاری کے لئے کوشش کی گئی تاہم وہ رات کی تاریکی میں فرار ہوگئے۔
پولیس کے مطابق دوسرا واقعہ بنوں مزنگہ پولیس چوکی پر پیش آیا جہاں رات گئے نامعلوم ملزمان کی فائرنگ سے چوکی پر لگے تھرمل کیمرے کو نقصان پہنچا۔
