لاہور (صباح نیوز)وزیر اعلیٰ پنجاب مریم نواز شریف نے بانی پاکستان قائدِ اعظم محمد علی جناح کے یوم وفات پر اپنے پیغام میں عظیم رہنما کو سلام عقیدت پیش کرتے ہوئے کہاکہ اللہ تعالیٰ قائد اعظم کے درجات بلند فرمائےـفرمودات قائداعظم ہر سچے پاکستانی کے لئے مشعل راہ ہے ـ
انہو ں نے کہاکہ قائداعظم نے برصغیر کے مسلمانوں کے علیحدہ وطن کے خواب کی تکمیل کے لیے زندگی وقف کردیـ قائد اعظم سے محبت وعقیدت کا تقاضا ان کے افکار کی پیروی ہے۔انشاء اللہ پاکستان کو قائدِ اعظم کے خوابوں کی تعبیر بنائیں گےـ وزیراعلی مریم نواز شریف نے کہاکہ اللہ تعالیٰ ہمارے وطن کو ہمیشہ سلامت رکھے اور ہمیں تعمیر و ترقی کے لیے متحد رہنے کی توفیق عطا فرمائے۔محمد علی جناح کے افکار کی روشنی میں پاکستان کو عظیم ملک بنانے کے لیے محنت، ایمانداری اور دیانتداری کو شعار بنانا ہوگا
