احمدال(صباح نیوز)اٹک کے گاؤں احمدال میں خستہ حال مکان کی چھت گرنے سے 4افراد جاں بحق اور ایک خاتون زخمی ہو گئی۔
ریسکیو حکام کے مطابق واقعہ نواحی گاؤں احمدال میں پیش آیا، جاں بحق ہونے والوں میں 2 بچے ،خاتون سمیت چار افراد شامل ہیں ، مرنے والوں میں 22 سالہ علیان، والدہ 54 سالہ بخت بی بی، 10 سالہ بچہ اور 12 سالہ بچی شامل ہیں جبکہ ایک خاتون شدید زخمی ہے ۔واقعہ کی اطلاع ملنے پر امدادی ٹیمیں موقع پر پہنچ گئیں جنہوں نے ملبہ ہٹانے کا کام شروع کردیا
دوسری جانب مرنے والے افراد کی لاشیں مقامی ہسپتال منتقل کردی گئیں جہاں ضروری کارروائی کے بعد ورثا کے حوالے کردی گئیں ۔
