راولپنڈی(صباح نیوز)لاہور پولیس نے بانی پاکستان تحریک انصاف(پی ٹی آئی) کی جناح ہاس سمیت 12 مقدمات میں گرفتاری ڈال دی۔نجی ٹی وی کے مطابق لاہور پولیس نے بانی پی ٹی آئی کی 12 مقدمات میں گرفتاری ڈالتے ہوئے کہا کہ بانی پی ٹی آئی سے ریاست کے خلاف اکسانے کی دفعات کے تحت تفتیش کی جائے گی۔اس حوالے سے بتایا گیا کہ بانی پی ٹی آئی کے خلاف مجموعی طور پر 16 مقدمات درج ہیں اور انہوں نے 4مقدمات میں ضمانت کرا رکھی ہے۔
لاہور پولیس نے اڈیالہ جیل پہنچ کر بانی پی ٹی آئی کی باضابطہ گرفتاری ڈال دی۔پولیس نے راولپنڈی کی عدالت سے بانی پی ٹی آئی کو لاہور منتقل کرنیکی استدعا کی لیکن راولپنڈی کی عدالت نے سیکیورٹی خدشات کے سبب بانی پی ٹی آئی کو منتقل کرنے کی اجازت نہ دی۔ذرائع نے بتایا کہ پیر کو بانی پی ٹی آئی کو ویڈیو لنک کے ذریعے لاہور کی عدالت میں پیش ہوں گے اور عدالت سے جناح ہاس حملہ کیس میں بانی پی ٹی آئی کے ریمانڈ کی استدعا کی جائے گی۔
