کراچی (صباح نیوز) کونسل آف پاکستان نیوزپیپر ایڈیٹرز (سی پی این ای) نے روزنامہ وطن (گجراتی) کراچی کے چیف ایڈیٹر عثمان ساٹی کی اہلیہ کے انتقال پر گہرے دکھ اور دلی تعزیت کا اظہار کیا ہے۔ ایک مشترکہ بیان میں سی پی این ای کے صدر ارشاد عارف، سیکریٹری جنرل اعجاز الحق، نائب صدر سندھ عامر محمود و دیگر عہدیداروں اور تمام اراکین نے سینئر رکن عثمان عارب ساٹی کی اہلیہ کے انتقال پر تعزیت کرتے ہوئے گہرے رنج و غم اور افسوس کا اظہار کیا ہے اور مرحومہ کی مغفرت کے لئے دعا کی ہے کہ اللہ تعالی انہیں اپنے جوار رحمت میں جگہ عطا فرمائے اور سوگوارن کو اس سانحہ پر صبر جمیل عطا فرمائے۔ آمین!
