نوشکی(صباح نیوز)زائرین کی سہولت کے لئے پاک فوج اور ایف سی بلوچستان کی جانب سے نوشکی میں ”آرام گاہ”قائم کردی۔
زائرین کو دوران سفرسہولت کی فراہمی کی غرض سے پاک فوج کی جانب سے 14 بسیں فراہم کی گئیں،زائرین کے بیٹھنے کے لئے کینوپی شیڈ کا بھی انتظام کیا گیا ۔نوشکی میں قائم کی جانے والی اس آرام گاہ میں 280 سے زائد زائرین نے قیام کیا، آرام گاہ میں قیام پذیر زائرین کے لئے کھانے پینے کا بھی مکمل اہتمام کیا گیا۔ زائرین کی سہولت اور فری علاج وادویات کی دستیابی کے لئے فری میڈیکل کیمپ بھی لگایاگیا،فری میڈیکل کیمپ میں تقریبا 60 سے زائد زائرین کو مفت علاج و ادویات فراہم کی گئیں۔زائرین نے پاکستان آرمی اور فرنٹیر کور بلوچستان کے ان اقدامات کو سراہتے ہوئے خوش آئند قرار دیا، زائرین نے سہولیات کی فراہمی کے لئے پاک فوج اور ایف سی بلوچستان کا شکریہ بھی ادا کیا۔
