لاہورہائیکورٹ میں13ایڈیشنل ججز کی تعیناتی کیلئے پارلیمینٹ میں امیدواروں کے انٹرویوز


اسلام آباد: لاہور ہائیکورٹ میں 13 ایڈیشنل ججز کی تعیناتی کے لئے پارلیمینٹ میں امیدواروں کے انٹرویوز شروع ہوگئے، پارلیمانی کمیٹی برائے ججزتقرری کو نامزدگیاںجوڈیشل کمیشن آف پاکستان سے موصول  ہوئی ہیں ۔

گزشتہ روز پارلیمانی کمیٹی کا اجلاس آزاد اپوزیشن رہنما سینیٹر نزیراعظم تارڑکی صدارت میں کمیٹی روم نمبر چار میں ہوا ۔ اجلاس میں وزیر مملکت برائے پارلیمانی امورعلی محمدخان ،رانا ثنا ء اللہ خان اور دیگر ارکان نے شرکت کی عوامی سماعت کے آئینی اختیار کے تحت گزشتہ روزلاہور ہائیکورٹ میں ایڈیشنل ججز کی تعیناتی کے لئے سات امیدواروں کے انٹرویوزکئے گئے ۔

اجلاس میں لاہور ہائیکورٹ میں 12ایڈیشنل ججز کی تقرری پر غور کیا گیا۔کمیشن کی نامزدگیوں میں ڈسٹرکٹ اینڈ سیشن جج صفدر سلیم شاہد، ڈسٹرکٹ اینڈ سیشن جج شکیل احمد، سہیل ناصر ، شان گل، امجد رفیق ، انوار حسین ایڈووکیٹ، طارق ندیم، بیرسٹر راحیل کامران شیخ، احمد ندیم ارشد، علی ضیا باجوہ، عابد چٹھہ، رضا قریشی ، تنویر سلطان شامل ہیں۔

مذکورہ ججز کو ایک سال کے لیے ایڈہاک پر تعینات کیا جائے گا،جوڈیشل کمیشن نے تمام نام حتمی منظوری کے لیے پارلیمانی کمیٹی برائے ججز تقرری کو بھجوا ئے ہیں انٹرویوز کا سلسلہ کل منگل کو بھی جاری رہے گا ۔فیصلوں کا اعلان بھی کل ( منگل کو ) کیا جائے گا۔