پاکستان،جنوبی افریقہ کے درمیان ٹی ٹوئنٹی سیریز کا پہلا میچ کل ہو گا


جوہانسبرگ: پاکستان اور جنوبی افریقہ کے درمیان ٹی ٹوئنٹی سیریز کا پہلا معرکہ کل ہفتہ کو ہو گا۔ دونوں ٹیمیں پاکستانی وقت کے مطابق شام ساڑھے 5 بجے ان ایکشن ہوں گی۔

ون ڈے سیریز میں پروٹیز کے ارمان خاک میں ملانے کے بعد شاہین مختصر فارمیٹ کے بڑے مقابلوں کے لیے تیار ہیں۔ جوہانسبرگ کے وینڈررز اسٹیڈیم میں چھکے چوکوں کی بھرمار ہو گی۔قومی ٹیم نے جمعہ کو پریکٹس بھی کی ۔

ون ڈے سیریز میں شاندار پرفارمنس دکھانے والے  فخر زمان کو انجرڈ امام الحق کی جگہ اور شاداب خان کی جگہ زاہد محمود کو ٹی ٹوئنٹی اسکواڈ میں شامل کر لیا گیا ہے۔

پاکستان اور جنوبی افریقہ کے ٹی ٹوئنٹی کے باہمی مقابلوں پر نظر ڈالی جائے تو دونوں ٹیمیں 17 بار مد مقابل ہوئیں ، 9 میں پروٹیز نے میدان مارا جبکہ 8 میچز میں گرین شرٹس نے کامیابی سمیٹی