اسلام آباد (صباح نیوز)وفاقی وزیر منصوبہ بندی احسن اقبال نے کہا ہے کہ 2018 میں جب حکومت چھوڑی تو ترقیاتی بجٹ ایک ہزار ارب تھا، اب سکڑ کر 550 ارب روپے ہو چکا ہے۔
اسلام آباد میں تقریب سے خطاب کرتے ہوئے احسن اقبال نے کہا کہ 2013 میں جب حکومت سنبھالی تو ملک ایسے ہی حالات سے گزر رہا تھا، ہم نے اپنے دور میں ٹیکس کلیکشن کو بڑھایا تھا۔
انہوں نے کہا کہ ہم نے ملک میں دہشت گردی کا بھی خاتمہ کیا، 2013 میں پاکستان کا ترقیاتی بجٹ 340 ارب روپے تھا۔
احسن اقبال نے کہا ہے کہ پالیسیوں میں تسلسل نہ ہونا ملک کی ترقی میں سب سے بڑی رکاوٹ ہے۔
