اسلام آباد(صباح نیوز) تیل پیدا کرنے والے دنیا کے بڑے ممالک کی تنظیم(اوپیک) کے حوالے سے سعودی عرب کے خلاف بیانات پر پاکستان نے سعودیہ سے اظہار یکجہتی کیا ہے۔
دفتر خارجہ سے جاری بیان میں کہا گیا ہے کہ پاکستان سعودی عرب کی طرف سے عالمی معاشی استحکام کے لیے مارکیٹ کے اتار چڑھائو سے بچنے کی تشویش کو سراہتا ہے۔
ترجمان دفتر خارجہ کا کہنا ہے کہ پاکستان ایسے معاملات پر تعمیری سوچ کی حوصلہ افزائی کرتا ہے۔
ترجمان دفتر خارجہ کا مزیدکہنا ہے کہ پاکستان سعودی عرب سے عرصہ دراز سے قائم گہرے تعلق کا اعادہ کرتا ہے۔
