اسلام آباد(صباح نیوز) ملک میں عالمی وبا کورونا کے مثبت کیسز اور اموات کا سلسلہ تاحال جاری ہے اور کورونا سے مزید 2 افراد زندگی کی بازی ہار گئے ۔
قومی ادارہ برائے صحت(این آئی ایچ)کے جاری کردہ عداد و شمار کے مطابق ملک میں گزشتہ 24گھنٹوں کے دوران کورونا کے 21 ہزار 233 ٹیسٹ کئے گئے جن میں سے 605 افراد میں وائرس کی تشخیص ہوئی۔
قومی ادارہ برائے صحت کے مطابق گزشتہ 24گھنٹوں کے دوران عالمی وبا سے مزید 2 افراد جاں بحق ہوئے جبکہ کورونا کا شکار 173افراد کی حالت تشویشناک ہے۔کورونا کے مثبت کیسز کی شرح 2.85فیصد رہی ۔
