لاہور(صباح نیوز) اسپیکر پنجاب اسمبلی پرویز الہی نے ڈپٹی اسپیکردوست محمد مزاری کے اسٹاف کو معطل کردیا۔
ذرائع اسمبلی سیکرٹریٹ کے مطابق معطل کئے گئے عملے میں دو اسسٹنٹ پروٹوکول آفیسرز اور ایک اسٹاف آفیسر شامل ہے۔
اسمبلی سیکرٹیریٹ ذرائع کا کہنا ہے کہ محمد شاہد، عظیم بٹ اور محمد امان خالد وائیں کو معطل کیا گیا ہے۔اسپیکر نے تینوں افسران کے خلاف انکوائری کا حکم بھی دے دیا ہے۔
ذرائع کا کہنا ہے کہ وزیراعلی پنجاب کے انتخاب کے حوالے سے اسپیکر کو معطل افسران کے بارے میں تحفظات تھے۔
