پشاور (صباح نیوز)شمالی وزیرستان میں آپریشن کے دوران سکیورٹی فورسزنے ایک دہشتگرد کوہلاک کردیا ۔
پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسزنے خفیہ اطلاع پرشمالی وزیرستان کے علاقے سپین وام میں دہشتگردوں کیخلاف کارروائی کی۔دہشتگردوں سے فائرنگ کے تبادلے میں ایک دہشتگرد ہلاک ہوگیا۔ ہلاک دہشتگرد سے اسلحہ اورگولہ بارود بھی برآمد ہوا۔
آئی ایس پی آر نے کہا کہ سکیورٹی فورسز کے آپریشن میں ہلاک ہونے والا دہشتگرد سکیورٹی فورسز کیخلاف متعدد دہشتگرد کارروائیوں میں ملوث تھا۔
مقامی آبادی نے دہشتگردی کے خاتمے کے لئے سکیورٹی فورسزکے آپریشن کوسراہا اورسکیورٹی فورسزکے ساتھ اپنی بھرپورحمایت کا اعلان کیا۔
