کراچی(صباح نیوز)کراچی میں مجلس وحدت المسلمین کے پاراچنار واقعہ کے خلاف مختلف علاقوں میں دھرنوں کے باعث شاہراہوں پر ٹریفک کی روانی متاثر رہی ۔یونیورسٹی روڈ، مین ایم اے جنا ح روڈ نمائش چورنگی ٹریفک کے لیے بند ہے جبکہ ابوالحسن اصفانی روڈ،سپر ہائی وے کے سامنے دونوں اطراف کی سڑکیں بند ہونے سے آفس جانے والے تمام افراد مشکل سے دوچار ہیں
۔فائیو سٹار چورنگی مکمل بند ہے۔ ٹریفک پولیس کراچی نے دعویٰ کیا کہ سروس روڈ سے ٹریفک کی روانی جاری ہے۔علی الصبح یونیورسٹی روڈ کو سپاری پارک کے پاس سے بند کردیا گیا جس کے باعث گاڑیوں کی لمبی قطاریں لگ گئیں۔ اطلاعات موصول ہو رہی ہیں کہ مین شاہراہ فیصل کالا چھپرا، نیشنل ہائی وے ملیر15 برج چڑھائی، قائدآباد کی سڑک بند ہے۔ٹریفک پولیس کراچی نے موجوہ صورتحال پر مسافروں سے تحمل کا مظاہرہ کرنے کی ہدایت کی ہے۔
