کراچی(صباح نیوز)تکنیکی اور آپریشنل وجوہات کے باعث 7پروازیں منسوخ اور متعدد تاخیر کا شکار ہوگئیں۔ منسوخ ہونے والی پروازوں میں کراچی سے لاہورآنے والی سیرین ایئر کی پرواز ای آر 525،523،کراچی سے اسلام آبادآنے والی سیرین ایئر کی پرواز ای آر 501 اورکراچی سے لاہورآنے والی ایئر بلیو کی پرواز پی اے 405شامل ہیں۔
کراچی سے اسلام آبادآنے والی ایئر بلیو کی پرواز پی اے 201،کراچی سے اسلام آبادآنے والی ایئر سیال کی پرواز پی ایف 124اورکراچی سے لاہورآنے والی ایئرسیال کی پرواز پی ایف 146 بھی منسوخ ہوگئی ہیں۔ ۔ کراچی تا لاہور 3 پروازوں کی آمد اور روانگی میں تاخیر کر دی گئی۔واضح رہے کہ گزشتہ کئی دنوں سے آپریشن مسائل اور دھند کی وجہ سے ملک کے مختلف ایئر پورٹس پر فلائٹس میں تاخیر اور منسوخی کا سلسلہ جاری ہے۔
