اٹک(صباح نیوز) ڈسٹرکٹ پولیس آفیسر(ڈی پی او) اٹک ڈاکٹر سردار غیاث گل خان نے ڈپٹی کمشنر اٹک رائو عاطف رضا کے ہمراہ سری پنجہ حسن ابدال کا دورہ کیا ہے۔بابا گرو نانک کے جنم دن کے حوالے سے اندرون و بیرون ملک سے آئے سکھ یاتریوں کی سیکیورٹی و انتظامی امور کا جائزہ لیا۔
گزشتہ روزڈی پی او اٹک ڈاکٹر سردار غیاث گل خان نے جنم دن بابا گرو نانک دیو کے سیکیورٹی انتظامات کے سلسلہ ڈپٹی کمشنر اٹک را ئو عاطف رضا کے ہمراہ سری پنجہ حسن ابدال کا دورہ کیا جہاں انہوں نے سیکورٹی انتظامات کے متعلق پولیس افسران اور ضلعی انتظامیہ کے ساتھ میٹنگ کی۔ میٹنگ میں بیرون ملک اور پاکستان کے سکھ یاتریوں کیلئے سیکورٹی انتظامات زیر بحث آئے۔اس موقع پر ڈی پی او اٹک ڈاکٹر سردار غیاث گل خان کا کہنا تھا کہ جنم دن بابا گورو نانک دیو کے موقع پر بیرون ملک اور اندرون ملک کے سکھ یاتریوں کو فول پروف سیکیورٹی فراہم کی جائے گی۔
