فتح جنگ (صباح نیوز) پٹرولنگ پولیس راولپنڈی ریجن نے سموگ آگاہی مہم کا آغاز کر دیا۔آگاہی مہم کے دوران پبلک ٹرانسپورٹرز کو سموگ کے حوالے سے بریفنگ دی۔پٹرولنگ پولیس راولپنڈی ریجن کے ایس ایس پی محمد بن اشرف کی سربراہی میں سموگ مہم کا آغاز کیا گیا۔ جس میں ڈی ایس پی پٹرولنگ راجہ فیاض الحق اور صحافی برادری نے شرکت کی۔
اس موقع پر پبلک ٹرانسپورٹرز کو مکمل بریفنگ دی گئی جس میں دھواں چھوڑنے والی گاڑیوں کی فٹنس کے متعلق خصوصی طور پر آگاہ کیا گیا اور ڈرائیوروں میں پمفلٹ تقسیم کیے گئے۔ پٹرولنگ پولیس جرائم کی روک تھام اور سرکوبی کیساتھ ساتھ عوام کی حفاظت اور خدمت میں بھی پیش پیش ہے۔ جس کو عوامی حلقوں میں خوب سراہا گیا۔
