اورکزئی (صباح نیوز)سکیورٹی فورسز نے خیبرپختونخوا کے ضلع اورکزئی میں کارروائی کرتے ہوئے انسدادپولیو ٹیم پرحملہ کرنے والے 3 دہشت گردوں کو ہلاک کر دیا۔
ہلاک ہونے والے دہشت گردوں نے گزشتہ روز خیبرپختونخوا کے ضلع اورکزئی میں انسداد پولیو ٹیم کی حفاظت پر مامور پولیس ٹیم پر حملہ کر کے 2 اہلکاروں کو شہید کیا تھا۔عوام کی جانب سے سکیورٹی فورسز کی اس کارروائی پر خوشی کا اظہار کیا گیا اور سکیورٹی فورسز کے حق میں نعرے بازی بھی کی گئی، عوام نے خوشی میں ایف سی اہلکاروں کو کندھوں پر اٹھا لیا۔حکام کا کہنا ہے کہ نہتے اور معصوم عوام پر حملہ کرنا بزدلانہ اقدام ہے۔
