اسلام آباد(صباح نیوز) ملک بھر میں 5 روزہ انسداد پولیو مہم کا آغاز ہو گیا ، 5 سال تک کی عمر کے بچوں کو پولیو کے قطرے پلائے جائیں گے۔وزیراعظم محمد شہباز شریف نے ملک سے پولیو کے مکمل خاتمے کے لئے خصوصی پولیو مہم کا آغاز کر دیا۔
انسدادپولیو مہم 13 ستمبر تک جاری رہے گی، 14 ستمبر سے 15 ستمبر تک باقی رہ جانے والے بچوں کو قطرے پلائے جائیں گے۔خصوصی پولیو مہم ملک کے 115 اضلاع میں چلائی جائے گی جس کے دوران پانچ سال سے کم عمر کے تین کروڑ بچوں کو اس موذی مرض سے بچاؤ کی ویکسین دی جائے گی۔
وزیراعظم کی فوکل پرسن برائے انسداد پولیو عائشہ رضا کا کہنا ہے کہ مہم کا حدف 4 لاکھ 21 ہزار 455 مقرر کیا گیا ۔اس کے علاوہ پولیو ٹیمز کی سکیورٹی کے حوالے سے بھی اقدامات کئے گئے ہیں۔
انہوں نے مزید کہا کہ پولیو ٹیمز شہر بھر کے تمام علاقوں اور ہر گھر تک پہنچیں گی اس حوالے سے شہریوں سے اپیل ہے کہ اپنے بچوں کو پولیو کے قطرے لازمی پلائیں ۔
