اسلام آباد(صباح نیوز)وفاقی دارالحکومت اسلام آباد کے علاقے سیکٹر ایچ 13 میں رہائشی فلیٹ میں گیس لیکج کے باعث دھماکے سے ایک شخص جاں بحق جبکہ 3خواتین سمیت 5افراد شدید زخمی ہوگئے۔
تفصیلات کے مطابق اسلام آباد کے علاقے سیکٹر ایچ 13 میں گیس لیکج سے دھماکہ ہوا جس سے ایک شخص جان کی بازی ہار گیا جبکہ 3خواتین سمیت 5 افراد زخمی ہوئے جن کو ہسپتال پمز ہسپتال منتقل کردیا گیا ہے۔
پولیس کے مطابق ایچ 13 گیس دھماکہ میں جاں بحق ہونے والے شخص کی شناخت شاہ جہاں کے نام سے ہوئی جبکہ واقعے میں 3خواتین سمیت 5 افراد زخمی ہوئے جن میں ڈاکٹر کمال غنی، راوید، کشمالا، نوشین اور مغلا ہمایوں شامل ہیں۔
