اسلام آباد (صباح نیوز) قومی اسمبلی میں بدھ کو دو اہم تعلیمی اداروں سے متعلق دو الگ الگ بلز منظور کر لیے گئے ۔
اجلاس اسپیکر راجہ پرویز اشرف کی صدارت میں ہوا ، وزیر برائے وفاقی تعلیم رانا تنویر حسین نے نیشنل سکلز یونیورسٹی اسلام آباد اور این ایف سی ادارہ برائے انجینئرنگ و ٹیکنالوجی ملتان سے متعلق قوانین میں ترامیم کے بلز پیش کئے ۔
دونوں بلز کو منظور کر لیا گیا جبکہ سینیٹ سے انسداد نشہ آور اشیاء ترمیمی بل 2022 ء منظور نہ ہونے پر اسے پارلیمنٹ کے مشترکہ اجلاس کے سپرد کر دیا گیا ہے ۔ اس بارے میں وزیر پارلیمانی امور مرتضیٰ جاوید عباسی کی پیشکردہ تحریک کو منظور کر لیا گیا ۔
وزیر مملکت برائے خزانہ عائشہ غوث پاشا نے بینک دولت پاکستان کے بورڈ آف ڈائریکٹر کی ششماہی رپورٹ 2023 ء پیش کی ۔
