اسلام آباد (صباح نیوز)وفاقی وزیر برائے اطلاعات ونشریات فواد چوہدری نے کہا ہے کہ 96لاکھ خاندان اور10ہزار سے زیادہ کریانہ سٹور وزیراعظم کے راشن رعائت پروگرام میں رجسٹر ہو چکے ہیں۔
ان خیالات کااظہار فوادچوہدری نے ٹوئٹر پر جاری اپنے بیان میں کیا۔
فواد چوہدری کا کہنا تھا کہ اس تعداد میں مسلسل اضافہ ہو رہا ہے، اس پروگرام کے ذریعے دو کروڑ خاندان آٹا،دال اورگھی پر30فیصدرعایت حاصل کریں گے جبکہ7 لاکھ کریانہ سٹور120 ارب کی سبسڈی خاندانوں کودینے کا ذریعہ بنیں گے۔
