فاروق عبداللہ کی کشمیری عوام سے الائنس کے امیدواروں کو ووٹ دینے کی اپیل


سرینگر: مقبوضہ کشمیرمیں عوامی اتحاد برائے گپکار اعلامیہ کے صدر ڈاکٹر فاروق عبداللہ نے الائنس کے امیدواروں کو ووٹ دینے کی اپیل کرتے ہوئے کہا کہ گپکار اتحاد کی تشکیل ریاستی تشخص کی واپسی  اور دفعہ 370 و 35اے کی بحالی کیلئے عمل  میں لائی گئی۔

نیشنل کانفرنس کے صدر اور سابق وزیراعلی نے ایک ویڈیو پیغام میں لوگوں کوخبردارکیاکہ کچھ لوگ خود کوعوامی اتحاد کے نامزدگی امیدوار قرار دیتے پھررہے ہیں،تاہم انہیں ووٹ نہ دیں بلکہ الائنس کے اصل امیدواروں کے حق میں ہی ووٹ دیں ۔

 اس ویڈیو میں ڈاکٹر عبداللہ نے کہاکہ عوامی اتحاد برائے گپکار اعلامیہ نے جن کارکنوں کومنڈیٹ دیاہے اورجن کارکنوں کونامزدکیا ہے ،وہی عوامی اتحاد کے متفقہ اورمشترکہ امیدوارہیں ۔ڈاکٹر فاروق کاکہناتھاکہ جوکوئی بھی دوسرا شخص چاہئے وہ کسی بھی پارٹی سے وابستہ ہو،خود کوپیپلز الائنس کاامیدوارجتلانے کی کوشش کررہا ہے ،وہ غلط ہے ،اسلئے لوگ ایسے افرادکے جھانسے میں نہ آئیں بلکہ صرف ان ہی امیدواروں کواپناووٹ دیکر کامیاب بنائیں جن کوعوامی اتحاد برائے گپکار اعلامیہ نے نامزدکیاہے ۔

مزید پڑٖھیں:نقل و حرکت کرنے کی اجازت نہیں ووٹروں سے رابطہ نہیں کر سکتے ،فاروق عبداللہ

ان کا کہنا تھا کہ کہ الائنس کا وجود جموں کشمیر کے ریاستی تشخص کی واپسی اور دفعہ370کے علاوہ35ائے کی بحالی کیلئے عمل میں لایا گیا ہے اور اس پر بات پر الائنس میں شامل جماعتیں اکھٹے ہوئی ہیں۔ ڈاکٹر عبداللہ نے لوگوں سے اپیل کی ہے کہ وہ بھاری اکثریت میں گھروں سے باہر آئے اور الائنس کے امیدواروں کے حق میں ووٹ دیں۔