لاہور(صباح نیوز)پنجاب میں ڈینگی کے مزید 155مریض رپورٹ ہوئے ہیں جن میں سے لاہور سے ڈینگی کے 125نئے کیس سامنے آئے ہیں۔محکمہ صحت پنجاب کے مطابق رواں سال پنجاب سے اب تک ڈینگی کے 25,436 مریض سامنے آچکے جبکہ لاہور سے ڈینگی کے 18,079 کیس سامنے آئے ۔
صوبائی محکمہ صحت کا کہنا ہے کہ پنجاب میں اب تک ڈینگی بخار کے باعث 146 افراد انتقال کرچکے ہیں۔ گزشتہ روز لاہور میں ڈینگی بخار سے مزید ایک شہری کا انتقال ہوگیا ۔محکمہ صحت کے مطابق پنجاب کے سرکاری ہسپتالوں میں ڈینگی کے 640 مریض داخل ہیں اور لاہور کے سرکاری ہسپتالوں میں ڈینگی کے 470 مریض زیر علاج ہیں۔
