اسلام آباد(صباح نیوز) ملک کے نامور پراپرٹی ٹائیکون ملک ریاض کی عمران خان کا پیغام سابق صدر آصف زرداری کو پہچانے کی مبینہ آڈیو سامنے آگئی۔
مختلف نجی ٹی وی چینلز پر جاری مبینہ آڈیوگفتگو کے مطابق مبینہ آڈیو میں فون ریسیو ہونے پر آصف زرداری کہتے ہیں کہ ‘ہیلو’، اس پر ملک ریاض کہتے ہیں کہ ‘السلام علیکم سر’، سابق صدر جواب میں کہتے ہیں کہ ‘وعلیکم السلام، خیریت؟’اس کے بعد ملک ریاض کہتے ہیں کہ ‘سر بس بتانا تھا، میں نے پہلے بھی آپ کو بتایا تھا، باتیں آپ سے کرنی ہیں، آپ نے کہا تھا بات نہیں کریں گے، آپ کو انفارمیشن دینی تھی، خان کی طرف سے مجھے بڑے میسجز تھے کہ پیچ اپ کروا دیں آپ کے ساتھ، آج تو اس نے مجھے بہت ہی میسجز کیے’۔اس کے جواب میں سابق صدر کہتے ہیں کہ ‘اب امپاسیبل ہے نہ’۔ اس کے جواب میں ملک ریاض کہتے ہیں کہ نہیں ٹھیک ہے، بس آپ کے سامنے بات رکھ دوں۔
گفتگو کے دوران آصف زرداری مسلسل کھانستے ہوئے بھی سنائی دیے۔اس آڈیو میں ملک ریاض بظاہر عمران خان کا پیغام مصالحت کیلئے آصف زرداری کو پہنچا رہے ہیں لیکن ماضی میں وہ آصف زرداری کو انتہائی برے الفاظ میں مخاطب کرتے رہے ہیں۔ عمران خان آصف زرداری کو ایک بیماری بھی کہتے رہے ہیں
