راولپنڈی (صباح نیوز)خیبرپختونخوا کے ضلع ٹانک میں ملٹری کمپاونڈ پر دہشتگردوں کے حملے کی کوشش ناکام بناتے ہوئے 6 جوان شہید جب کہ 3 دہشتگرد ہلاک ہو گئے۔
پاک فوج کے شعبہ تعلقات عامہ آئی ایس پی آر کے مطابق دہشت گردوں کی ٹانک میں ملٹری کمپاونڈ میں داخلے کی کوشش ناکام بنادی گئی، سیکیورٹی فورسز کی فوری جوابی کارروائی میں 3 دہشت گرد مارے گئے ہیں۔
دہشتگردوں سے فائرنگ کے شدید تبادلے میں 6 جوان شہید ہوئے ہیں، شہید ہونے والوں میں نوشہرو فیروز کے 48 سالہ صوبیدار میجر شیر محمد، خیرپور کے 39 سالہ نائب صوبیدار زبید، راولپنڈی کے 39 سالہ حوالدار سہیل، ٹنڈوالہ یار کے 36 سالہ لانس نائیک غلام، خیرپور کے 32 سالہ سپاہی مسکین علی اور سکھر کے 37 سالہ سپاہی میر محمد شامل ہیں۔
آئی ایس پی آر کا کہنا ہے کہ پاک فوج دہشت گردی کی لعنت کے خاتمے کیلئے پرعزم ہے ہمارے جوانوں کی قربانیاں ہمارے حوصلے کو مزید تقویت دیتی ہے۔
