اسلام آباد (صباح نیوز) صدر آصف علی زرداری سے مراکش، سوئٹزر لینڈ اور فلپائن کیلئے پاکستان کے نامزد سفرا کی الگ الگ ملاقاتیں ۔ مراکش کیلئے پاکستان کے نامزد سفیرسید عادل گیلانی اورسوئٹزر لینڈ کیلئے پاکستان کے نامزد سفیر ڈاکٹر مرغوب سلیم بٹ نے بھی صدر مملکت سے ملاقات کی۔ صدر مملکت نے فلپائن کیلئے پاکستان کی نامزد سفیر ڈاکٹر عاصمہ ربانی سے بھی ملاقات کی۔
صدر مملکت نے کہا کہ نامزد سفرا میزبان ممالک کیساتھ تجارتی ، معاشی ، سیاسی اور سفارتی تعلقات مزید مضبوط بنانے کیلئے کام کریں۔ان کا کہنا تھا کہ تمام دوست ممالک کے ساتھ کاروباری اور سرمایہ کاری کے شعبے میں مزید تعاون کے خواہاں ہیں۔صدر مملکت کی نامزد سفرا کو نئی ذمہ داریاں سنبھالنے پرمبارکباد، سفرا کیلئے نیک خواہشات کا اظہار۔
