اسلام آباد(صباح نیوز) صدر مملکت آصف علی زرداری سے وفاقی انشورنس محتسب ممتاز علی شاہ کی ملاقات۔ وفاقی انشورنس محتسب نے صدر مملکت کو ادارے کی سالانہ رپورٹ 2024ء پیش کی ۔ انشورنس محتسب نے صدر مملکت کو سال 2024 میں ادارے کی کارکردگی بارے بتایا۔
ممتاز علی شاہ نے کہا کہ وفاقی انشورنس کمپنیوں کی بدانتظامیوں اور دھوکہ دہی پر مبنی انشورنس پالیسیوں کی فروخت کے خلاف شکایات کا ازالہ کر رہا ہے۔ رپورٹ کے مطابق سال 2024 ء میں انشورنس محتسب نے شکایت کنندگان کو 2.32ارب روپے کا ریلیف فراہم کیا۔ انشورنس محتسب نے 2024ء میں 5,827شکایات کا ازالہ کیا۔ صدر مملکت نے غریب اور کمزور انشورنس پالیسی ہولڈرز کو انصاف کی جلد فراہمی پر زور دیا۔
