اسلام آباد (صباح نیوز) وزیرخارجہ اسحاق ڈار کی سربراہی میں ہونے والے اجلاس میں پاکستان مائننگ انویسٹمنٹ فورم کی تیاریوں کا جائزہ لیا گیا۔ ترجمان دفترخارجہ شفقت علی خان کے مطابق وزیرخارجہ و نائب و زیراعظم اسحاق ڈار کے زیرصدارت اجلاس ہوا جس میں اسلام آباد میں 8 تا 9 اپریل منعقد ہونے والے پاکستان مائننگ انویسٹمنٹ فورم کی تیاریوں کا جائزہ لیا گیا۔
اجلاس میں وزیر پٹرولیم، وزارت داخلہ کے اسپیشل سیکرٹری، چیئرمین سی ڈی اے سمیت اعلی حکام نے شرکت کی۔ شفقت علی خان کے مطابق اجلاس کے دوران مائننگ فورم کے حوالے سے بریفنگ دی گئی جبکہ نائب وزیراعظم نے اس امید کا اظہار کیا کہ یہ فورم پاکستان کے مائننگ سیکٹر کے لیے اہم ترین ثابت ہوگا۔ ترجمان کے مطابق اسحاق ڈار نے فورم کی کامیابی کے لیے وزارت خارجہ کے حکام کو وزارت پٹرولیم سے مکمل تعاون کی ہدایت بھی کی۔
