واشنگٹن(صباح نیوز)وزیر اعظم کے معاون خصوصی سید طارق فاطمی نے امریکہ کے اہم رہنمائوں سے ملاقاتیں کی ہیں۔، طارق فاطمی نے امریکی کانگریس کی امور خارجہ کی کمیٹی کے چیئرمین برائن ماسٹ سے ملاقات کی ، امور خارجہ کمیٹی کی ذیلی کمیٹی برائے جنوبی و سنٹرل ایشیا کی رینکنگ ممبر رکن کانگریس سڈنی کام لاگر ڈو سے ملاقات ہوئی ، امریکی کانگریس میں پاکستان کاکس کے شریک چیئرمینوں جیک برگ مین اور ٹام سوازی سے بھی ملاقات ہوئی ،
ملاقات میں پاک امریکہ تعلقات، دوطرفہ تعاون اور معاشی تعلقات کے حوالے سے تفصیلی بات چیت کی گئی ،معاون خصوصی نے امریکی رہنمائوں کو حکومتی پالیسیوں خصوصا معاشی ترجیحات کے حوالے بریف کیا۔معاون خصوصی نے کہا کہ پاک امریکہ تعلقات میں مزید وسعت خصوصا معاشی تعلقات کے فروغ کے خواہاں ہیں، دو طرفہ تجارت اور سرمایہ کاری کا فروغ اولین ترجیحات میں شامل ہے علاقائی اور بین الاقوامی معاملات پر بھی گفتگو ہوئی۔ معاون خصوصی نے امریکی رہنماں کو حکومتی پالیسیوں خصوصا حکومت کی معاشی ترجیحات سے آگاہ کیا۔
