اسلام آباد (صباح نیوز)اسلام آباد کے ریڈ زون میں احتجاج روکنے پر پانچ سال کے دوران ایک ارب 35 کروڑ 58 لاکھ روپے خرچ ہوئے۔ وزارت داخلہ نے تفصیلات قومی اسمبلی میں پیش کر دیں۔وزارت داخلہ کے تحریری جواب کے مطابق مالی سال 2019-20 ء کے دوران ریڈ زون میں احتجاج روکنے پر 15کروڑ 77 لاکھ روپے کے اخراجات آئے۔رپورٹ کے مطابق 2020-21 ء کے دوران اس مد میں نو کروڑ 61لاکھ جبکہ 2021-22 ء میں 27کروڑ 8لاکھ سے زائد خرچ ہوئے۔ مالی سال 2022-23ء کے دوران ریڈ زون میں احتجاج روکنے کیلئے 72 کروڑ 40 لاکھ اور 2023-24ء میں 10کروڑ سے زائد کے اخراجات آئے۔وزارت داخلہ کے تحریری جواب کے مطابق یہ رقم آنسو گیس شیل خریدنے، قانون نافذ کرنے والے اہلکاروں کوخوراک فراہمی اور وی آئی پی سیکیورٹی پر خرچ ہوئی۔
ریڈ زون میں احتجاج روکنے پر ایک ارب 35کروڑ 58 لاکھ روپے خرچ ہوئے
