سیکیورٹی خدشات ،بلوچستان کی یونیورسٹیوں میں تدریسی عمل آن لائن کردیا گیا

کوئٹہ(صباح نیوز) سکیورٹی خدشات کے باعث بلوچستان میں کچھ یونیورسٹیز میں تدریسی عمل آن لائن کردیا گیا۔بلوچستان یونیورسٹی، ویمن یونیورسٹی اور آئی ٹی یونیورسٹی اور یونیورسٹی آف تربت میں تدریسی عمل معطل کردیا گیا۔ تربت یونیورسٹی کو چند طلبا کے خلاف ڈسپلن کی خلاف ورزی پر جاری احتجاج کے باعث بند کیا گیا ۔انتظامیہ کے مطابق یونیورسٹیوں میں تدریسی عمل آن لائن کردیا گیا ۔ کوئٹہ میں یونیورسٹیز میں تدریسی عمل سکیورٹی خدشات کی بنا پر غیر معینہ مدت کے لیے معطل کیاگیا ہے۔