لکی مروت (صباح نیوز)خیبر پختونخوا کے علاقے لکی مروت میں پولیس نے کارروائی کرتے ہوئے 2 مغویوں کو بازیاب کرالیا۔ڈی ایس پی سبز علی خان کے مطابق پولیس نے کامیاب کارروائی کرتے ہوئے اغوا کار گروہ کو گرفتار کرکے دو مغویوں کو بازیاب کرا لیا۔خفیہ اطلاع پر پولیس نے ناکہ بندی کے دوران ایک سفید گاڑی کو رکنے کا اشارہ کیا، تو گاڑی میں سوار ملزمان نے پولیس پر فائرنگ کر دی، جس پر پولیس نے جوابی کارروائی کرتے ہوئے ملزمان پر فائرنگ کر دی
۔بنوں اور لکی مروت میں بیک وقت 6 مختلف مقامات پر پولیس پرحملے، دہشت گردوں نے پولیس تھانوں اور پولیس چوکی پر حملے کئے ،ڈی ایس پی نے بتایا کہ گاڑی رکنے پر 2 اغوا کاروں کو گرفتار کر لیا گیا، جبکہ ایک ملزم فرار ہوگیا، گاڑی سے 2 مغویوں کو بازیاب کرلیا گیا، مغویوں میں انصار عباس اور عمر سجاد شامل ہیں، اغوا کاروں نے مغویوں کو بنوں سے اغوا کیا تھا۔ سبزعلی خان کے مطابق پولیس نے اغوا کاروں سے 3 کلاشنکوف بھی برآمد ہوئی ہیں، مغویوں سے سونے کے زیورات اور 27 لاکھ روپے بھی چھین لئے تھے، ملزمان نے مزید وارداتوں کا بھی اعتراف کیا ہے۔
